الكلمه دي سمعتها من بنت في أول الثلاثين من عمرها تقول مريت بتجربه حب قاسيه اتعلمت منها أن الحب لوحده مش كفايه ولا باب أمان
بتقول كان بيحبني حب مشروط زي الأم اللي أبنها لو سمع الكلام هتحبه وتاخده بالحضن ولو مسمعش الكلام هتزعل منه وتعاقبه ورغم علمها أن حضنها ليه هو الحياة إلا أنها بتحرمه منه لو غلط
كان حبه ليها حب امتلاك اللي هو أنتي ملكي ومن حقي اقول أي حاجه وفي أي مكان وأنتي مجرد خادم لاوامري غير كدا تبقى مالكيش مكان ومش عارفه تحبي وغيرك كان يتمنى المكانه اللي أنتي فيها
بتقول هو كان راجل لكن مكنش قوام عارف يحبها لكن مش عارف يحتويها
عارف يقولها بحبك لكن مش عارف يحسسها بالأمان
كان عارف مشاعرها لكنه مش فاهم قلبها واحتياجها
لما كانت بتقول عاوزة حد سوي
استغربت هي ازاي صبرت كل الفترة دي وهي بتحارب في جبهه خسرانه والغريبه أنها متأكدة أنها خسرانه ومع الوقت هتتسحب من العلاقه دي
لكن مكسبها لنفسها أولى وأكبر
قالت مش مهم عندي الجواز قد ما مهم أحس أني انسانه ليها كيان وحدود ليها روح
قالت محتاجه أكون متشافه
ومحتاجه اتحب بطريقتي وبعيوني
محتاجه أشوف الدنيا بطريقتي مش بطريقته
قالت كنت بحس إني بتنفس عن طريقه كان هو الهوا ولكنه كان هوا تقيل، ولما سبته بدأت احس إني بتنفس بجد.
العاطفة حين تقود المرأة
الست اللي بتحب بتكون داخله العلاقة بكل عواطفها ومشاعرها مش بتحسب لكلامها بتتعامل مرة طفلة لما تفرح ومرة ست عجوزة لما تشيل فوق حملها حمل
كل مرحلة من عمرنا بتواجهنا مشاعر و ظروف وحكايات صعب نحكيها أو نتكلم عنها ويمكن صعب أن حد يفهمها
ما هو الحب السوي؟
الحب السوي هو الحب اللي مليان حب وتسامح وأمان
مش مليان ضغوط ومشاكل وعتاب وشكوك
الحب السوي اللي أنام و اصحى عليه هو الحب اللي بيديني سعادة واستقرار عاطفي
لما تيجي تدور على حب دور على صاحب عمر وحب سوي لحياة سوية
