اليوم: أبريل 17, 2026
Facebook Youtube Tiktok Instagram Telegram

عاجل

Blog Post

في وقت معين
هاني سعد
أبريل 17, 2026
0
21

في وقت معين

في وقت معين

كتبت / نهاد_مهيا
في وقت معين  مر عليا كنت بعامل كل الناس بنفس الطريقه  حب واهتمام وكل الصفات الجميلة اللي اتربيت عليها ومكنتش اعرف اعمل غيرها مع القريب والغريب
في الوقت ده كنت متخيلة أن هو ده الصح وهي دي التربيه المضبوطه 
كنت سعيدة بالحب اللي بقدمه والعطاء والحنيه على الكل 
كنت شايفه الناس كلها ملايكه اه ملايكه 
لكن مع الوقت وتعاملي اكتر مع الناس والعشم والحب 
لقيت مش كل الناس زي بعضها واللي بحبه ممكن جدا يكون بيكرهني ومن غير سبب
لقيت ناس تقابلها بالاحسان تقابلك بالنكران والعدواه اللي مش ظاهرة لكن حستها لما بدأت أفهم 
اتعلمت وقتها أن اعامل الناس زي ما بيعاملوني لا اكتر ولا اقل الكره هقابله بكره النكران للجميل هقابله بالنكران وحسيت أن دا انسب حل 
لكن مع الوقت لقيت نفسي هيجتمع فيا كل الصفات السيئة اللي مكنتش بحبها في الناس وحسيت اني مش انا 
مش تصرفاتي ولا أخلاقي ولا تربيتي ولا ملامحي 
رجعت خطوة ل ورا و وقفت قدام مرايتي لقيت نفسي هبقى شبهم ونفس ملامحهم اللي كرهتها  فقولت لنفسي لاء
نقطه ومن اول السطر  هتعامل مع الناس باصلي  وأخلاقي 
يمكن اكيد مش نفس الحب ولا العطاء ولا حتى الخير اللي كنت بقدمه ولكن هتعامل بأخلاق واحترام 
والكلمه اردها بأحسان  كفاية عليهم الاحسان 
بصراحه ارتحت جدا  واعصابي بدأت تهدأ  وسبت كل انسان حقود أو ظالم لله واستكفيت بكلمه حسبي الله ونعم الوكيل 
طيبت قلبي وربنا جبر بخاطري وحقي مع الوقت  هيرجع ودا وعد ربنا ليا 
كل انسان فينا يتعامل بتربيته و اصله  لكن مش على حساب كرامته وكبريائه   

Leave a comment

لن يتم نشر عنوان بريدك الإلكتروني. الحقول الإلزامية مشار إليها بـ *