- دينا عبداللهhttps://eyonalghad.com/author/dinaabdallah/
- دينا عبداللهhttps://eyonalghad.com/author/dinaabdallah/
- دينا عبداللهhttps://eyonalghad.com/author/dinaabdallah/
- دينا عبداللهhttps://eyonalghad.com/author/dinaabdallah/
خطف واستدراج طالب وإجباره على توقيع إيصالات أمانه واحتجازه داخل سنتر تعليمي بالبدرشين
خطف طالب داخل سنتر بالبدرشين
واستمعت جهات التحقيق لأقوال المجني عليه وجاءت: اللي حصل إني كنت رايح درس الفرنساوي ولقيت راجل عرفت إن اسمه عزت بيقولي إنت واخد فلوس من حد ومش راضي تدهاله وقولتله أنا مبتعاملش مع حد في فلوس، وبعدين قالي تعالى اتعرف عليه فقولتله أنا ورايا درس دلوقتي وبعدين قالي تعالي اتعرف عليه وارجع تاني عشان مشقش بطنك وبعدين روحت معاه.
وأضاف: لقيت واحد تاني جه وعرفت بعدين إن اسمه باسم ومشي معانا وبعدين مشينا لحد سنتر إكرامي وبعدين الاتنين دول قالولي تعالي ادخل السنتر جوه عشان تتعرف على اللي ليه عندك فلوس وبعدين أول ما دخلت السنتر بتاع إكرامي راحوا طلعوني فوق عليا السطوح بتاع السنتر وبعدين ظهر واحد بيقولي إنت تعرفني فقولتله لا أنا أول مرة أشوفك وبعدين راح قالي أنا إكرامي سالم عريان أنا حاطط على نص أبوصير إزاي يجوا شوية عيال زيكم يسرقوا منى شوية حاجات فقولتله أنا مسرقتش حاجة.
وتابع: قالي فين موبايلك قولتله أهو خده وكان في الجراب بتاعه البطاقة بتاعتي وبعدين راحوا دخلوني أوضة في السطوح ولقيت واحد رابع اسمه عبده جه وراحوا الأربعة دول ضربوني بالأقلام على وشي وضربوني بإيديهم في بطني وبعدين كتفوا إيدي ورجليا وكل واحد فيهم يضربني على وشي بالأقلام ويقولي فين الحاجات اللي إنت سرقتها وقولتلهم أنا معرفش حاجة عن السرقة دي وبعدين لقيت واحد صاحبي اسمه يوسف مصطفى هناك وبيقولي قولهم إن إحنا اللي سرقنا الحاجات.
واستكمل: قولتله سرقة إيه أنا مسرقتش حاجة عشان أقول إن إحنا اللي سرقنا وبعدين قعدوا يضربوا فيا وفي الآخر اللي اسمه إكرامي قالي يبني عليا الطلاق لو قولت أنا اللي سرقت الحاجات واديتها لمين هسيبك تروح فقولتلهم أنا مسرقتش حاجة فإكرامي نادى لميس سها وهيا مديرة السنتر وقالها هاتي الدفتر والختامة اللى معاكي وراح إكرامي مسك إيدي اليمين وبصمني بصباعي على خمس ورقات تقريبا وفي ورقة منهم بصمني عليها مرتين لأن الختم مكنش ظاهر كويس.
واختتم: قالي لو قولت لحد على اللي حصل أنا هخطفك وهخطف أبوك وهنشر الفيديوهات وبعدين أبويا جه فقال لأبويا ابنك حرامي ومكنش عاوزني أمشي مع أبويا فقاله إنت إزاي تعمل كده، الناس جت وروحت البيت ومكنش في حد يعرف إني بصمت على الورق بس، وبعدين قولتلهم على الورق اللي بصمت عليه وأبويا عرف وقالي إنا هجبلك حقك والنهارده قالولي آجي هنا أنا ووابويا وده كل اللي حصل.
من جانبها، قضت محكمة جنايات الجيزة، بمعاقبة المتهمين بالسجن عامين لقيامهم باستدراج وخطف طالب وتقييده بالحبال داخل سنتر تعليمي، وإجباره على توقيع إيصالات أمانة وبراءة المتهمة الأخيرة.
