- دعاء خضرhttps://eyonalghad.com/author/doaakhedr/
- دعاء خضرhttps://eyonalghad.com/author/doaakhedr/
- دعاء خضرhttps://eyonalghad.com/author/doaakhedr/
- دعاء خضرhttps://eyonalghad.com/author/doaakhedr/
تتشرف جريدة وموقع عيون الغد دائما بتسليط الضوء على النماذج الناجحة والموهوبة من الشباب المصري، خاصة الشباب الطموح من ذوي الهمم، وفي هذا التقرير نعرض أحد هذه النماذج التي يراودها حلم الإعلامية الناجحة، ريم يحيى حاصلة على ماجستير في الإعلام بتقدير ممتاز، و صانعة محتوى، و عملت في مجال التدريس الجامعي لمدة 4 سنوات بنظام الانتداب.
مين مثلك الأعلى ونفسك في يوم تكوني زيه؟
أنا مليش مثل أعلى، لأن قصتي عمرها ما هتكون شبه قصة حد، ممكن يكون اتعلمت الصبر وجيت على أي حاجة مريت بيها من قصص الرسل والأنبياء، لأن كل قصة كان فيها حاجة بتلمسني بتخليني لازم أقف في الموقف ده، و قدوتي سيدنا محمد ﷺ وسيدنا عيسى وسيدنا موسى.
هل بتواجهك صعوبات في مجال الإعلام؟
أنا معرفتش أدخل مجال الإعلام، أنا درست ولكن شغلي كان مجرد تدريب وتطوع، لكن الدخول الفعلي مدخلتش المجال، بسبب ثقة المجتمع، حتى لما فكروا يعينوا مذيعة عينوا حد غيري ، أنا لا أقلل من شأن حد، لكن محدش فكر يدربني، رغم إن معايا ماجستير.
رسالتك لأي حد غير واثق في موهبة وقدرة ذوي الهمم
هي رسالة للكل، مش بس لذوي الهمم، أي إنسان عنده قدرة وموهبة ممكن ميكنش شايفها لازم يفكر ويعرف موهبته فين، ويحاول ويجتهد أنه ينمي نفسه في الشيء ده، ويكتشف مواهبه أول بأول، بالنسبة للثقة ده شيء احنا بنمنحه لنفسنا مش بنستمده من حد، وكن واثق إن أي حاجة بتعيشها بتمر بيها، أو عقبة في حياتك، ده الخير ليك وطالما ده الخير فمفيش داعي إن حاجة تهد ثقتك بنفسك، سواء كانت عقبة أو مرض أو ظروف مادية صعبة انت من صنع ربنا، ازاي تكون من صنع ربنا وميكنش عندك ثقة فنفسك؟، الثقة تستمدها من ثقتك في ربنا أنه مش بيختارلك أي حاجة وحشة في الحياة.
مين بيشجعك دايما عشان توصلي لهدفك؟
زمان و أنا صغيرة ماما، بس حاليا ريم، ريم بتشجعني حتى لو وقعت أو مريت بظروف صعبة أو عندي احباط، لكن ريم بترجع تقول لا لازم تقفي تاني عشان توصلي لهدفك، و لو الهدف ده متعب ومش هاخد منه حاجة قيمة فبستغني عنه، و بفكر في هدف جديد يناسب ظروف جديدة ظهرت، الدنيا بتتغير وأنا كمان لازم أتغير عشان أواكب أي تغيير.
